中左"頭"馬!!!

今年生日剛剛碰巧是愛彼錶女王盃。因為「k隆星人」可以預訂貴賓廂房，而我亦從未試過係馬場睇馬兼食飯，所以今年我們倆就去了沙田馬場了。至於食物的質素-不提也罷，實在是普通過普通，麻麻地過麻麻地。不過見到在場人仕那種聚精會神，好似考緊會考一樣，就明白何以食物的質素是這樣了。（你煮龍肉都係食唔到咩味架啦！）不過，都叫做見識下，可以食食吓野，出去下注。我都有買吓，貼中了第六場的頭馬，不過由於「k隆星人」俾咗兩隻山埃心水，我買的三重彩就泡湯了，大嗱嗱無咗三十元，加上買了兩張三T，總共無咗五十大元，賭馬都唔好玩既。
（如果俾靚女舊同事「糖糖」知道我買馬，實鬧死我．．．-_-'' )

不過，註定我係要中馬的。當我同「k隆星人」想離開馬場時，發現喺地下有多個遊戲攤位，我玩擲豆袋遊戲時連中三元，真係俾我中咗〝馬〞仔擺設。

有口福~

四月是生日月。感謝各方好友盛情款待，讓小妹同「k隆星人」大飽口褔。小肚肚同拜拜肉又告搶灘成功，要「再加強力度打擊」（向中央學習，hee hee)。



泰豐屢好好味，話梅花雕讓人醉如呆鳥－謝謝曾氏夫婦



這個朱古力慕士蛋糕，不是我整的。你看那起伏的線條是不是很有住家Feel？謝謝阿武同Fiona ，如果中間的軟蛋糕再鬆化一點就更好吃了！

數碼攝影小貼士

近日往圖書館鑽，發現了一本好書。內文寫了好些有用的資料．．．



Megapixel的多少可影響相片印製的大小尺寸
*Source: 500 Digital Photograhpy Hints,Tips, and Techniques by Chris Weston
（ 友善參考，不要轉載。)



這解答了我疑問多時的問題，究竟一張Memory Card可以儲存多少張相呢? 答案可在上表找尋。
*Source: 500 Digital Photograhpy Hints,Tips, and Techniques by Chris Weston
（ 友善參考，不要轉載。)

Sakura...Sakura...

很好喝的櫻花酒啊~

(*相片是用SONY Cyber-Shot拍的：Exposure mode-人像夜景、＋0.3EV、有閃光）
試過沒用閃光燈，但出來的效果不大好，酒沒有了晶瑩的穿透感

失敗小 PINK CAKE

今日係「k隆星人」3x大壽。想給他一些驚喜，親手做一個凍莓芝士蛋糕做禮物。經過兩小時的大作戰，終於完成了。不過做出來的芝士蛋糕，顏色實在太過粉紅色了。唔通落得太多士多啤梨？？但心裡想著不要緊，今日買的士多啤梨很新鮮，應該沒有問題。

當過了午夜，我們品嚐小廚神史上第一個的芝士蛋糕時，哎呀！乖乖不得了，很酸爺～
弊！我唔記得落鮮忌廉呀！！哎呀！一朝英名盡喪。我唯有向食到面容扭曲的「k隆星人」發誓，我一定會再做一個好十倍的凍莓芝士蛋糕作補償。

以下係對「k隆星人」的忠告：不要無端白事開雪櫃！打開封印，會有怪事發生，例如要食怪味芝士蛋糕．．．．．

嚇鬼死

真係嚇鬼死人! 今晚睇了三池祟史的《鬼伎回憶錄 》，十分十分之驚嚇，畫面極其血腥恐怖。故事講一個美國記者到處尋訪失散了的娼妓戀人，到訪一個孤島，遇到一個右臉嚴重扭曲的藝妓。（這麼恐怖的樣子怎可以做藝妓？？）藝妓講述那戀人的死狀，如同帶人來回地獄幾倘。戀人被人陷害，被人綁起用長針插手指那幕，戲院內慘叫聲四起，比那女人的叫聲更悽厲。坐在我前面的女士不停地掩耳同搖擺上身，好似比女角更痛苦。這部戲實在太血腥怪異了，聲效特強，奇譎的怖局同突如其來的怪異場面實在好難頂，到現在我仲覺得胃痛。如果有興趣看看那右臉嚴重扭曲的藝妓的劇照，可登入：http://www.hkiff.org.hk/chi/prog/show_detail.php?fi_id=361。

恐怖度：１０（１０分滿分）

電影節又嚟啦 ~

今晚去添馬艦看電影節。 事前喺美心買了晚餐入場，邊吃邊看戲。
今晚的戲碼係由奧瑪花曼助陣的《金牌監製》。

評分：

無記記者發緊夢乎?

今日跟「k隆星人」去參加骨髓基金的聚會。我當然係二仔底死跟，諗住有餐食嘛。至於「k隆星人」就係諗住見吓佢個位受助人，因為佢地從未見過面。

「k隆星人」係２００４年捐了兩次骨髓俾同一個受助人，不過他的受助人在兩次手術之後都不能夠生出自己的骨髓，要找來另一位捐贈者做第三次手術才成功，而這位捐贈者亦都是個男的。受助人在台上透露她一眼就找得到第二位捐贈者，原因是磁場云云。（另有渠道說，她接受了第三次手術之後，體毛濃密了很多，所以她直覺對方是一位體毛多的人，所以一眼就找到了。） 在場人仕都清楚她講的那位是第二位捐贈者，不是「k隆星人」。不過，當我們看到無記六點半新聞時，我差點跌低。因為那段訪問經過剪輯之後，受助人講緊她一眼就知道誰是捐贈者時，畫面出現的係「k隆星人」，吓，VO仲要係主持問緊受助人：「你知到係佢係因為佢靚仔?」。吓，我靜了二秒之後，忍唔住爆笑了出來。對不起，「k隆星人」，說句真心話係「k隆星」度「k隆星人」都算係靚仔，不過同地球人比，對方係一位昂藏六尺的運動型地球人士．．．咁就．．．無記記者當時係發緊夢定係遊緊雲呢?