趁我還記得 (part 2)
醫院的經歷,對我來說實在是太震撼了﹗不過因為生完之後記性差了,都是寫低穩陣,免得好似我媽媽一樣,完全忘記生仔有幾痛。不過我望到妹妹咁得意,幾痛都值得。
有3樣事是藉得記念的︰
1) 肛探
這件事一定排第一,實在太嚇人了。都不記得是那一天,應該是住院第二天,我想落床去洗手間,誰知道一個阿嬏叫住我,要我去幫BB探熱。是肛探﹗BB這樣小,實在不敢放探熱針入她的肛門,手忙腳亂,仲俾阿姐駡,要我大膽d ,我放入d個探熱針,大概一吋左右,但「小豆B」這時排出胎糞,仲要都幾大量,嚇死我啦。好彩唔駛一陣間就探完熱﹗不過都好,學識探熱,如果「小豆B」有病時,做阿娘既都可以幫佢探熱。
2) 餵母乳
其實能夠餵母乳是一件好開心的事。我都好叻,餵了五天,這五天的奶是初乳,是微黃色,初乳是最有營養的。不過我因為貧血,奶水唔夠,回到家只能擠出5 ml 的母乳,這時 的母乳是奶白色,營養已經比初乳少,加上「小豆B」很大食(似爸爸),而我亦要食西藥,所以暫時不餵母乳了。
3) 補奶
因為怕BB食完奶粉唔食母乳,醫院要母親們用杯補奶。BB這麼小,怎可以用杯呀?我常常弄髒「小豆B」,所以很不開心。其實「小豆B」咁為食,昨天她在「小豆爸」懷內,想吮爸爸乳頭,這就證明她不會食完奶粉唔食母乳啦。
4 Comments:
小心, 你唔餵一排就無母乳架啦 ...
1:27 PM
我每日都有擠奶…希望keep到啦。
3:08 PM
...幾痛都藉得 應該是 ...幾痛都值得
「用杯補奶」此舉實在嚇人, 推行背後的理由亦不知有幾大根據, 但眼見「用杯補奶」的情景, 只覺浪費奶水及恐怖, 真不明白當局的思維, 還有說BB在6個月大之前都不用/要給水喝, 更是摸不著頭腦的教導.
10:05 PM
聽Momie說「用杯補奶」是對的,初生嬰兒不用額外餵水也是對的,至於背後原因,就要問吓佢lu.
5:04 PM
Post a Comment
<< Home